Jueves, 22 de Octubre de 2020

Otras localidades

MOCIÓN DE CENSURA MOCIÓN DE CENSURA Sigue en directo la segunda jornada del debate de la moción de censura de Vox
O blog de Henrique Rabuñal

Queremos galego

Hai uns, días no parlamento galego, o presidente da Xunta tivo unha moi desafortunada intervención a propósito da normalización lingüística. Como se o problema non fose con el e co seu partido que leva gobernando case de maneira exclusiva. Desentendéndose dos graves momentos que vive un idioma, o propio do país, aínda excluído de case a metade das escolas infantís urbanas ou reducido á insuficiente condición de materia noutras etapas educativas. Iso por non falarmos da perda de usos entre a xente máis moza das nosas vilas e cidades ou da porcentaxe mínima de cativos que aprenden a falar en galego.

Neste contexto, o anuncio da desaparición do Diario Cultural, da grella da Radio Galega, foi visto por millares de persoas como un síntoma máis do desprezo a un programa que conseguiu tecer unha vigorosa rede de visibilización de moitos axentes culturais que actúan en galego.

A miña experiencia confírmame que na sociedade galega hai unha plena disposición a acompañar pasos adiante en materia de normalización, pasos que a Xunta se nega a impulsar porque nesta como noutras materias vai moi por detrás e á marxe da sociedade que goberna. Demostrouno co decreto 79/2010 que mutilou un esperanzador proceso normalizador.

Están ben todas as festas e celebracións da nosa lingua e cultura ao redor do 17 de maio. O presidente da Xunta fará abstracción da súa práctica política e mesmo pode pronunciar discursos moi acaídos. Mellor faría en sumarse á demanda do país para consensuar unha nova política lingüística que permita recuperar e aumentar usos e usuarios, que comprometa recursos a prol do noso libro e literatura, que alicerce a rede de publicacións en papel e dixitais que usan o galego, que axude de verdade a estimular a presenza da lingua propia nos medios de comunicación, que estableza unha política efectiva da presenza do galego no sistema educativo desde a etapa infantil á universitaria. Que permita que a nosa cultura viaxe polo mundo.

Señor presidente: queremos galego! Querémolo de verdade. Querémolo xa. Faga caso ás institucións e aos colectivos que coñecen o asunto. Porque neste mundo global é visto como unha vantaxe sermos fieis e leais ao noso. E porque non hai nada máis noso nin valioso que esta vella lingua europea, orgullo e patrimonio de todas e todos nós.

Cargando

Escucha la radio en directo

Cadena SER
Directo

Tu contenido empezará después la publicidad

Programación

Último boletín

Emisoras

Elige una emisora

Cadena SER

Compartir

Tu contenido empezará después de la publicidad

Cadena SER

¿Quieres recibir notificaciones con las noticias más importantes?