O xeonllo de Norel pon en tea de xuízo o seu futuro
O holandés lesionouse nos adestramentos de verán e, de non recuperarse esta semana, podería pasar polo quirófano
As cousas non pintan ben para os celestes. As lesións persisten no vestiario do CB Breogán e pon en perigo o futuro de Norel. O holandés, segundo explica o director deportivo, Quique Fraga, lesionouse nos adestramentos de verán no xeonllo e as molestias persisten. "Fuimos hasta Vitoria en busca de la mejor solución y nos plantearon dos opciones: una más tradicional, que consistiría en infliltrarle para reducir a inflamación, o pasar por el quirófano". Tanto o clube coma o propio Norel optaron pola infiltración. Esta semana saberán se o tratamento é efectivo, pero se non funciona, habería que operar. O feito de pasar por unha intervención quirúrxica conlevaría uns tres meses de recuperación.
Máis positivos son dende o clube coa recuperación de Lucio Redivo. O arxentino lesionouse no verán. Rompeu fibras e ao comezaren os adestramentos produciuse unha descompensación nos abdutores. Leva varios días adestrando e traballando con Jaime Capellá na súa recuperación e todo apunta a que vai polo bo camiño.