Ortigueira aposta pola súa esencia na 41º edición

A Coruña

Son 41 anos xa os que cumpre o Festival de Ortigueira e este ano quere volver á esencia. Á súa orixe. Ese é o obxectivo desta 41 edición segundo os organizadores. Superada esa barreira imaxinaria dos 40 anos, regresa un ano máis un festival que esta edición leva por título 8 nacións unha cultura. As que conforman ese espírito celta e que estarán presentes no festival a través de distintos grupos musicais, con Galicia á cabeza.

Do 11 ao 14 de xullo Ortigueira acollerá a mais de 70 mil persoas nun festival único. Gwendal, The Moving Hearts ou Leilía e Tanxugueiras. Grupos clásicos e outros consagrados.

Unha edición que busca apostar pola igualdade, con maior presenza feminina. Cun cartel no que un Breogan reconvertido en gaiteiro lidera a esas nacións celtas que se citarán nesa capital celta que é Ortigueira.