Jueves, 13 de Agosto de 2020

Otras localidades

Laxe

Portos asina o contrato para a dragaxe do peirao, que se espera para o verán 2020

Portos asina o contrato para a dragaxe do peirao, que se espera para o verán 2020: Portos asina o contrato para a dragaxe do peirao, que se espera para o verán 2020

Concello de Laxe

Portos de Galicia, dependente da Consellería do Mar, vén de asinar o contrato das obras para a dragaxe do porto de Laxe, polo que a empresa adxudicataria iniciará proximamente os traballos preliminares e preparatorios para a execución desta actuación. O obxectivo do proxecto, que conta cos preceptivos informes técnicos e ambientais, é dar resposta ás demandas dos profesionais desta localidade e mellorar a operatividade e a seguridade do peirao.

O alcalde, Jose Luis Pérez é consciente de que as embarcacións locais teñen que fuxir para outros portos cando hai temporal e por iso cree que é un máis que necesario proxecto para a súa vila, "Así redúcese o risco de que os barcos sufran danos cando hai moita corrente", recalcou.

A obra, que conta cun orzamento de arredor de tres millóns de euros, pretende contrarrestar os riscos que teñen para a seguridade das embarcacións os efectos asociados ás ondas longas no porto. A dragaxe da dársena terá cinco metros de calado, o suficiente para o fondeo seguro dos barcos en determinadas condicións de fortes variacións do nivel da auga dentro do peirao.

Entre as actuacións incluídas no proxecto está ademais a instalación dun novo radar no peirao para a toma de datos de ondada, dado que o anterior equipo de medida está avariado. O rexidor espera que os traballos comecen na primavera e estén rematados para o verán de 2020, aínda que é consciente de que todo dependerá das condicións meteorolóxicas e do posible impacto ambiental.

Cargando

Escucha la radio en directo

Cadena SER
Directo

Tu contenido empezará después la publicidad

Programación

Último boletín

Emisoras

Elige una emisora

Cadena SER

Compartir

Tu contenido empezará después de la publicidad

Cadena SER

¿Quieres recibir notificaciones con las noticias más importantes?