... fixen propósitos de aninovo

A Coruña

Olá Mayte, feliz 2020 e todo iso. Ai, os propósitos de aninovo son todo un despropósito. Eu nunca os fixen porque tampouco se trata a cousa de defraudarse a un mesmo desde o un de xaneiro, pero si que me gostaría comentar 8 dos propósitos de aninovo que máis se incumpren segundo a revista Time. Xoguen vostedes tamén a ver se tamén os seguen ou non.

Perder peso e mantérmonos en boa forma física: No meu caso cúmproo, xa que comezo o ano vestido e nalgún momento espídome, co cal, perdo peso, e a miña forma física é boa, principalmente en estado sólido, nin líquida nin gaseosa (case).

Deixar de fumar: Nesta fallo todos os anos, cousas de non fumar, que xa non podes deixar de fumar.

Aprender algo novo: Sabían que o 50% do noso ADN o compartimos cos plátanos? De nada

Comer san e ter unha dieta equilibrada: Ehh, como explicalo rápido, eu fago prerroscón de reis.

Saldar as débedas e aforrar: O difícil disto é se o método de aforro é non pagar as débedas.

Pasar máis tempo ca familia: O truco está en cada ano marchar un minuto máis tarde na cea de Noitevella.

Viaxar e ver lugares novos: O máis fácil e pillar un tren e ir mirando Google Street View. Conseguido!

Estar menos sometidos a estrés: Pois para cumprir este o mellor é olvidarse de todos os anteriores, a verdade.