Sétima vítima por coronavirus: falece un veciño de Cee
Levaba varias xornadas ingresado na UCI do CHUAC
Cee, de loito polo seu veciño / Cedida
A bisbarra vén de sumar o sétimo falecido por mor da pandemia do coronavirus. Un veciño de Cee, que levaba varios días ingresado no CHUAC, faleceu debido ao COVD-19. O finado é un coñecido extraballador do concello ceense, onde foi encargado de obras. Precisamente alí, na sede municipal, sentíase esta mañá un fondo pesar polo falecemento dun traballador que deixou tan bos recordos entre os seus compañeiros.
Debido aos protocolos establecidos polas autoridades os actos fúnebres xa tiveron lugar esta mañá, ás once media, en presenza dun restrinxido número de familiares.
Nas últimas horas a Costa da Morte acumulaba boas noticias na súa loita contra o coronavirus: descenso de ingresos, ausencia de traslados a UCI e sucesión de altas. A nova do pasamento desde veciño de Cee é o contrapunto a eses datos.
