Manuel Insua "¿Sen boa cobertura de internet como teletraballamos?"

O alcalde de Corcubión, Manuel Insua, foi hoxe protagonista nos micrófonos de Radio Nordés Cadena SER. O rexedor do concello máis pequeno da Costa da Morte expuxo algunha das eivas comúns a varios municipios da bisbarra: o acceso a internet. Nestes tempos, nos que se abre un horizonte novo para o teletraballo como alternativa ao despoboamento do rural, a falta de boas conexións de internet sigue a supoñer un lastre.

Lalo Insua recoñeceu que ese é o principal motivo polo que en Corcubión sigue habendo traballo presencial no Concello. Fíxoo nunha entrevista na que se uníu ao desexo expresado anteriormente por outros alcaldes da bisbarra: o traballo en conxunto vai ser necesario para afrontar o escenario post-COVID-19.