Atacan á Policía Local de Poio no Vao de Arriba

Pontevedra

Dous axentes da Policía Local de Poio permanecen ingresados nun centro hospitalario, logo de ser vítimas do ataque realizado por un grupo dunhas 20 persoas no Vao de Arriba. Os feitos tiveron lugar en torno ás 20.30 horas. Foi entón cando unha patrulla do corpo de seguridade municipal se trasladou ata a zona, logo de recibir un aviso do 112.

Nada máis chegar alí, varios individuos empezaron a lanzar pedras contra o vehículo policial para, posteriormente, atacar o automóbil con paus, provocando cuantiosos danos materiais. Os dous axentes lograron abandonar o vehículo e tiveron que agardar aos reforzos fóra do poboado. Ambos presentan contusións, magulladuras e diversos cortes.

Ampliar

Cerrar

Ata a zona se desprazaron efectivos da Garda Civil, Policía Nacional e tamén colaborou a Policía Local de Pontevedra enviando a varios axentes. A estas horas, está confirmada a detención dun dos presuntos responsables deste ataque contra as forzas da orde. As dilixencias continúan abertas ata que se localice a todos os participantes neste acto.

Con respecto ás causas da revolta, todo apunta a que puido deberse a que, apenas uns minutos antes da chegada dos axentes municipais, a Garda Civil realizara outra intervención no mesmo punto. Continúa aberta a investigación por parte de ambos corpos( Policia Local e Garda Civil) a fin de proceder a detención e identificación de todos os implicados.