Últimas noticias Hemeroteca

Martes, 02 de Junio de 2020

Otras localidades

O Encontro Virtual de hoxe estará adicado ao comercio local

Será ás oito do serán e se poderá seguir na canle de Youtube de Radio Nordés e en radionordes.com

A terceira edición dos Encontros Virtuais de Radio Nordés pon o foco sobre un sector imprescindible da nosa bisbarra: o comercio. A crise económica pode acabar impactando de xeito importante nun sector absolutamente necesario no día a día. A cita desta semana adáptase ao horario do sector e será ás oito deste serán, en col do habitual do venres ás 17 horas.

A súa supervivencia e situación actual, a venda "on line" ou a creación dunha plataforma propia de venda a distancia serán algúns dos temas que trataremos nun foro que contará coa presenza de Ricardo Pallas, do Centro Comercial Aberto de Carballo; Alicia Novás (Asociación Empresarios Comarca de Soneira) e Paulo César Sánchez (Comercio de Cee). O Encontro poderase seguir en directo a través da web radionordes.com e na canle de YouTube de Radio Nordés.

Logo do éxito colleitado nos dous primeiros Encontros Virtuais adicados ao turismo e á política, a emisora da SER na Costa da Morte sigue apostando por poñer todas as súas plataformas ao servizo da bisbarra nun momento tan delicado coma o actual.

Cargando
Cadena SER

¿Quieres recibir notificaciones con las noticias más importantes?