Últimas noticias Hemeroteca

Viernes, 29 de Mayo de 2020

Otras localidades

Poucos policías e moitas praias para controlar

A vixiancia dos areais é unha competencia municipal e os concellos carecen de persoal para facelo

As carencias na policía local, problema engadido

As carencias na policía local, problema engadido / Cedida

Non vai ser un verán calquera para ninguén e para as polícias locais tampouco. Acostumados a controlar o desenrolo do tráfico, vixiar queimas incontroladas ou evitar que os veraneantes aparquen sen control, os "municipais" van a engrosar a súa lista de tarefas nas próximas semanas. Evitar aglomeracións nos principais puntos de interés turístico, controlar o aforo das praias ou vixiar que se manteñan as distancias de seguridade das terrazas serán algunhas das súas novas funcións.

A "nova realidade" non chega nun momento doce a nivel de seguridade. Na bisbarra hai concellos con importante afluencia de turistas e que carecen de policía local, casos de Dumbría ou Corcubión. Noutros como o de Fisterra as xubilacións deixan un plantel reducido a dous efectivos, ao igual ca en Muxía. Outros coma Malpica recoñecen que cos tres axentes dispoñibles será imposible controlar a afluencia aos areais. En toda a Costa da Morte son 85 os policías locais que prestan servizo, se ben o Concello de Carballo xa agrupa a 30 deles. Serían polo tanto 55 policías os encargados de velar polo mantemento das medidas de seguridade en areais, terrazas, faros e demáis lugares de interés turístico.

Ante esta situación o alcalde de Fisterra, José Marcote, agarda que se poida artellar algún tipo de axuda para facer algunha contratación durante o verán, unha postura que secundan outros alcaldes da bisbarra. Uns alcaldes que tamén agardan máis información sobre a proposta de regular mediante códigos QR o acceso ás praias. Un proxecto que engadiría máis traballo ao xa existente na administración local.

Obviamente non serán só os policías locais os que xestionen a seguridade na bisbarra. Na Costa da Morte prestan servizo aproximadamente 140 gardas civís, unha cantidade que dende diversos ámbitos tense cualificado de insuficiente para tender ás necesidades da comarca.

Cargando
Cadena SER

¿Quieres recibir notificaciones con las noticias más importantes?