Martes, 07 de Julio de 2020

Otras localidades

DÍA DO MEDIO AMBIENTE

Coñezamos a biodiversidade da cidade

O Concello edita unha guía de actividades para as familias

Vista dende Montealegre

Vista dende Montealegre / Cristina Carballo

A Concellería de Educación do Concello de Ourense convida as familias a coñecer mellor e gozar da biodiversidade da cidade con “Ourense ten un tesouro, búscao con Mila e Iago!”. Esta é unha guía de actividades, publicada na páxina web da concellería, con motivo da celebración do Día Mundial do Medio Ambiente, que está adicado á Biodiversidade. Nela, as familias poderán acceder a diferentes actividades lúdicas e formativas que deberán realizar, acompañando a dúas personaxes: o rapaz Iago e a súa avoa Mila, nun paseo pola cidade, que lles permitirán coñecer mellor a fauna e a flora típicas de Ourense, e moi especialmente da contorna do río Miño.

A publicación ten como finalidade explicar de forma sinxela que é a biodiversidade e por qué é tan importante conservala. Nesta aventura, aprenderán sobre gaivotas, picapeixes, garzas, cormoráns, espadanas, amieiros, salgueiros ou cerquiños, realizarán pasatempos acerca destas especies, realizarán debuxos e aprenderán a realizar figuras de papel.

Estas actividades formativas levan finalmente a atopar un tesouro: a biodiversidade, que segundo explica a guía “temos que protexer para que tamén ela nos poda proteger a nós”, ao tempo que convida a veciñanza a que non perda a ocasión de “abrir os sentidos á contorna e cando volva pasar polo río, gozar da biodiversidade que os rodea-. O tesouro da natureza está a esperarte”.

 

Cargando

Escucha la radio en directo

Cadena SER
Directo

Tu contenido empezará después la publicidad

Programación

Último boletín

Emisoras

Elige una emisora

Cadena SER

Compartir

Tu contenido empezará después de la publicidad

Cadena SER

¿Quieres recibir notificaciones con las noticias más importantes?