Sen bonito en Burela ata a vindeira costeira

Burela

Acabouse o bonito en Burela ata a tempada que ven. As previsión cumplíronse e confírmase que a do 2020 é a costeira máis curta de historia. O patrón maior da confradía de Burela, Basilio Otero, festexa que se pechase "máis tarde do que pensábamos porque dende comezos de xullo contratábamos datos superiores con respeto o ano pasado". Este forte ritmo de captura esta intimamente ligado ó aumento de barcos na tempada de captura.

O certo é que a tendencia é que rematar antes as capturas. No 2016 rematouse en outubro, coma sucedeu no 2017. Pero foi no 2018 cando a costeira pechaba a finais de agosto e agora, na nova realidade, o fin chega o día 18 do mesmo mes. A explicación? o cupo. Hai dos anos estableceuse a norma de fixar unha cota revisable cada tres anos. Acordar unha cifra de toneladas que fosen bioloxicamente restrictivas. "Cos datos dos estudos na man, entendemos que o ano que ven poderemos aumentala. No seu día fixouse una cota que biolóxicamente fose restrictiva e quixemos ser precavidos", explica.

A pandemia fíxolles tremer as pernas, mais Otero recoñece que se "puido salvar sen problemas a campaña, porque non houbo baixada de prezos, de feito estamos 15 céntimos por riba do ano pasado", exemplifica Otero.

A campaña primiero da cabala, despois da anchoa e agora do bonito arranxou o ano para o sector pesqueiro e non houbo que afrontar "grandes perdas". Si ben é certo nunca chove a gusto de todos e este foi un ano terrible para o polvo."Pero non é cousa da pandemia, é que non hai polvo. O que fixo que se incrementasen os prezos e que hoxe coste máis o polvo que o marisco"