22 anos de Xiria Pop

A Coruña

Este venres e sábado volve a Carballo o XIRIA POP, que cumpre 22 anos consolidado como un dos festivais de pequeno formato referencia en Galicia.

Este ano encabezan o cartel os Rockfiles, do británico Billy Bremner, os mallorquinos La Granja e Gutara Kyo, o primeiro grupo xaponés en subirse ao escenario da sala Dublín.

Completa o programa a presentación dun libro de poemas que ten non pouco de musical, Mudanza, do carballés Xurxo Chapela; o venres, no Casino, ás 20.30 horas.

"Este ano iamos traer oito grupos, pero ao final caeu un... por desilusión da xente, penso eu", comentou o fundador e organizador do festival desde a súa primeira edición, Xabier Graña, quen estivo acompañado polo alcalde de Carballo, Evencio Ferrero, na rolda de prensa de presentación do evento celebrada esta mañá na casa do concello.