Tito Díaz sobre a ausencia dun protocolo único: "Téñense que mollar"

Lugo

O CB Breogán insta á Federación a presentar un protoclo único e seguro que garanta o inicio da competición. Así o fixo público o director xeral da entidade, Tito Díaz, nos micrófonos de Radio Lugo SER. "Non tememos non poder xogar, o que queremos é que as institucións se mollen e poñan en coñecemento dos clubes o protocolo deseñado". Díaz é optimista e agarda que esta semana se poida solucionar o embrollo e contar cun proxecto sólido. 

Os celestes comezarán a adestrar a vindeira semana, malia non saber cales serán as normas que rexirán a campaña 21/22. "Nos temos depositadas moitas ilusións neste proxecto, pero precisamos saber como van ser as cousas", reflexiona Díaz. Asegura que dende o clube traballan por estudar todo polo miudo, "control das portas, do aforo, posibles rotacións..", pero é traballar sobre suposicións, pois sobre o papel non hai nada.

A gran incógnita é que pasará cos afeccionados. Aforo limitado? Distancia de seguridade? "Nos consideramos que gardando as medidas que se nos recomendan poderemos gozar do baloncesto. Agora toma moita importancia a responsabilidade individual". E é que o Breogán ten a obriga de loitar pola súa afección. Por unha banda polo deportivo, porque "son a mellor afección", e pola outra, polo económico: "O Breogán precisa a afección polo sustendo deportivo e eocnómico, non hai dúbida"