A hostalaría ourensá sairá a rúa a berrar: "¡Basta ya!"
Convocan unha manifestación esta tarde, as oito
Unha das concentracións dos hostaleiros / Redacción
Ourense
"¡Basta ya! Instituciones queremos soluciones. Todos somos esenciales: hosteleros, distribuidores, comerciales, ocio nocturno, comercios, clientes y familias”. É o berro da hostalaría ourensá.
Esta tarde, as 8, convocan unha manifestación que partirá as 8 da tarde da Praza Maior e percorrerá diferentes rúas da cidade: O Paseo, Goberno Civil, Avenida da Habana, Juan XXIII, Progreso e Alameda. Rematará no punto de partida coa lectura dun manifesto. A intención é que acudan tamén cidadáns en apoio e que fagan ruido “levando utensilios”.
Os convocantes son as catro asociacións que representan a este sector: ‘Cociña Ourense’, ‘Véxote nos viños’, ‘AHROU’ e ‘UHO’.
Esta convocatoria é un paso máis despois das concentracións que levan protagonizando, desde o peche de bares e restaurantes, cada mediodía na Praza do Concello. Piden que chegen as axudas xa.
Onte Sanidade decidía rebaixar desde hoxe as restriccións nos concellos de Verín, Amoeiro e Coles que pasan a fase 2. Permítese a apertura da hostalería, así como a libre movilidade dos seus habitantes e as reunións de un máximo de seis persoas no convivintes tanto en espazos públicos como privados.
Xa veremos o que pasa mañá. O conselleiro de Sanidade, Julio García Comesaña, xa avanza que sobre a mesa no encontro do Comité de Expertos está a posible apertura de Ourense, veremos tamén se nos mesmos termos que nos mencionados tres concellos.
A todo isto súmase o borrador do Goberno Central, que fala dun Nadal con reunións de seis personas máximo e limitación horaria, o que sen dúbida influirá nas tradicionais ceas de empresa ou de grupos de amigos ou familiares.
