A RFGF pon en marcha a campaña de nadal
Campaña solidaria da RFGF, neste partido gañamos todos, que conta con Lucas Vázquez e Vanessa Sotelo como padriños
A RFGF pon en marcha a campaña de nadal solidaria / RFGF
Ourense
A Xunta Directiva da Real Federación Galega de Fútbol aprobou na súa última reunión a posta en marcha da Campaña de Nadal Solidaria´´ Neste partido gañamos todos´´, unha iniciativa na que a Federación pretende crear un tsunami solidario con todo o fútbol galego para recoller o maior número posible de quilos de alimentos que serán entregados a diferentes entidades e asociacións repartidas por toda Galicia para estas lles fagan chegar eses productos de primeira necesidade aos que máis o necesitan.
A campaña solidaria de Nadal conta coa colaboración de Gadis, de todos os estamentos federativos e agarda contar coa masiva participación de todo o fútbol galego na recollida de alimentos para os máis necesitados.
Todos os que queiran participar poden doar alimentos a través das delegacións federativas (A Coruña, Ferrol, A Costa, Santiago, Pontevedra, Ourense e Vigo) e todo recibido será entregado a diferentes entidades e asociacións repartidas por toda Galicia.
O Comité de Adestradores organiza un Boxing Day Solidario telemático de fútbol o día 28 con confederencias de Monchi e Quique Setién e outro de fútbol sala o día 29 con Paulo Roberto e Ferrao. O pico máximo de espectadores en cada xornada converterase en quilos de alimentos.
A xornada de liga do 19 e 20 de decembro será a do ´´ Gol Solidario´´. Todos os goles marcados polos equipos galegos de fútbol e fútbol sala converteranse en balóns que se regalarán a nenos e nenas en situación de exclusión social.
