O comercio seguirá aberto en Viveiro

Viveiro

O comercio seguirá aberto en Viveiro. As novas restriccións ditaminadas pola Consellería de Sanidade para os concellos que acumulen más de 1.000 casos activos de Covid-19 por cada 100.000 habitantes implican o cese de toa actividade non esencial. Segundo indica a rexedora viveirense, María Loureiro, entre os locales exentos de peche atópanse os comercios.

"O Decreto non establece o peche dos comercios, pero si o dos lugares nos que se practiquen actividades culturais e deportivas coma cines ou ximnasios", asegura Loureiro. O Concello leva pechado perimetrlamente dende o día 28, " e xa quedamos sen campaña de Nadal", por iso estas novas restriccinóns caen coma un xarro de auga fría.

A veciñanza, recoñece a alcaldesa, está preocupada e ansiando ver coma baixan os casos activos de Coronavirus. "Cando me ven polas rúas me preguntan, como imos hoxe? estamos mellor?... Para eles toda pequena melloría é unha alegría", confesa. Recoñece que o peche total da hastalaría é todo un mazazo para o municipio pois a economía da meirande parte dos viveirenses susténtase na mesma. 

O certo é que a situación en Viveiro "é a peor". As cifras son moito peores que nos comezos da pandemia e rexistra nestes días os picos máis altos de contaxios. A alcaldesa asegura que "nunca pensas que vaias ir máis a peor, dende a ponte da Constitución non levantamos cabeza", lamenta.