Manu Barreiro non quere imaxinar un vestiario sen Pita e Seoane

Lugo

Con "máis confianza". Así nos atende o dianteiro do CD Lugo, Manu Barreiro, tras reecontrase co gol, más aló do punto de penaiti. Se ben é certo, o de compostela xa se converteu en toda unha institución se de tirar penaltis falamos. A serenidade e o clásico da paradiña previa a golpear o balón é toda unha marca de identidade  que xa caracteriza ó 9 no equipo lucense. "O certo é que xa teño certa confianza nese senso e, malia que agora me estea tocando a min, temos moi bos lanzadores no equipo. O importante é axudar", subliña con modestia.

Esta tempada todos os tantos estaban a ser foito das faltas dentro da área que él convertía en puntos, pero esta fin de semana Barreiro demostrou que non se lle esquecera iso de marcar goles de xogada. Dous a falta de un, e, malia que non serviron para sumar na táboa clasificatoria, para o punta albivermello valeron ouro.  "Para un dianteiro meter goles é moi importante. Xa o necesitaba animicamente. O abrazo entre Carrillo máis eu tras o partido é a mostra de que antes de competencia somos amigos, entendemos o que significa" e engade coma curiosidade que ambos son os primeiros en desexarse sorte "unha vez que o míster da a convocatoria"

O bo clima dentro do vestiario "é evidente, se mire por onde se mire", pero o certo é que agora toca poñerse as pilas cos idiomas se se quere integrar canto antes a Bakary N´Diaye e Arvin Appiah. "Ímonos entendendo como podemos, pero máis que nós con inglés vámolos poñer a aprender a eles galego", bromea.

E falando de vestiarios, esta tempada os capitáns e os "compadres" do dianteiro rematan contrato. E sobre se imaxinarse un vestiario sen eles prefire nin falar: "Bff... O certo é que non quero nin pensalo. É unha decisión deles e do club, eu non quero falar moito pero non me gustaría estar sen eles".