Diego Epifanio: "Non é a tempada para dubidar da actitude dos meus xogadores"

O adestrador está moi molesto co entorno mediático do club porque "non se pode dicir durante unha semana que un partido non vale para nada e logo esixir imaxen"

Diego Epifanio nun tempo morto durante o amigable ante o Ourens / Twitter CB Breogán

25/02/2021 - 14:22 h. CET

O que debera ser un día de alegría e sorpresa pola aterraxa de Israel Gutiérrez no equipo celeste volveuse unha xornada de polémica. O adestrador do CB Breogán, Diego Epifanio, aproveitou a entrevista no SER Deportivos Lugo para manifestar o seu enfado pola posta "en tela de xuizo" da actitude dos seus xogadores no Derbi do Miño.

Descargar

Escucha Diego Epifanio molesto coas críticas ós seus xogadores en Play SER

O adestrador celeste non quixo pechar a entrevista sen recordar que "esta non é a tempada adecuada para dubidar da actitude e compromiso dos xogadores co escudo" breoganista. Considera que as críticas recibidas tralo partido en Ourense foron excesivas e "sangrantes" xa que non se falou "dun mal partido" se non que se fixo fincapé na falta de respeto ó clube como institución. "Non é por facer unha defensa a ultranza dos meus xogadores, pero creo que un deles saíu do quirófano por ser pai e veu axogar, outro xogou con molestias... non se pode dubidar deles".

Admite que o encontro cos veciños non foi o mellor da tempada, mais asegura que lle "gustaría sentarse con aqueles que din que non saímos ben ó partido". Convida a todas as voces críticas a sentarse "e repasar xuntos" o encontro.

O CB Breogán terá oportunidade para demostrar que ese partido foi un traspés este domingo ante o Palencia. Un partido no que non contarán con Iván Cruz, polo seu positivo por Covd-19 trala concentración coa selección, e con dúbidas en torno a Kevin Larsen. "Estamos agardando da PCR e tamén saber como está animicamente e físicamente", e engade "Kevin é unha peza que nos permite xogar dun xeito detemrinado con el, pero o equipo ten outras armas e outras virtudes que expliotar se non está el".

O equpo de Radio Lugo SER estará este domingo día 28 no Pazo Universitario dos Deportes para continuar coas retrasmisións dos partidos celestes. A emisión comezará ás 12 da mañá dende a OM, a App da SER, a nosa web e redes sociais coma Twitch, Twitter e Youtube.