Alba Prieto: "Temos a ilusión de dar a campanada"

O Durán Maquinaria Ensino regresa a Copa da Raiña por segunda tempada consecutiva, ante o mesmo rival, pero en circunstancias totalmente diferentes. Na burbulla rojilla, sen poder saír do hotel e "evitando relacionarse con outras xogadoras", así están as de Carlos Cantero antes da cita sobre a cancha. 

Alba Prieto confésanos que "hai moi bo rollo" entre elas e o estar illadas lévase mellor cunhas "cartas e uns cantos Tik Toks", bromea. A xogadora vivirá a segunda expriencia na loita polo título, pero a primeira na que poderá contar con minutos, "no seu día convocáronme para cubrir a cota de xogadoras nacionais".

Diante estará todo un titán: O Perfumerías Avenida. Un equipo que leva gañados 21 de 21 partidos de liga e que, ou teñen un día fatídico, ou estea quen estea diante leva as de perder. "Sabemos quen é o rival, pero estamos ilusionadas, preparadas e saben o que temos que facer non descarto dar a campanada", confesa Prieto.

As de Cantero levarán a Galicia na súa camisola, hoxe estrenan novo conxunto. De rosa e con Sargadelos no peito, así pretenden asaltar a cancha no Valencia Basket.