Baiuca e Os Resentidos presentan esta fin de semana os seus novos discos no TerraCeo
Kevin Johansen, que canta este domingo, é o primeiro artista internacional que se suma ao cartel do evento
Carlos Sadness, en uno de los conciertos que ofreció el año pasado. / D.L.
Vigo
Pola terraza do Auditorio pasaranse esta fin de semana Baiuca –venres- e Os Resentidos –sábado- para presentaren por primeira vez en concerto en directo os seus novos discos. O domingo comparecerá en TerraCeo o cantante arxentino Kevin Johansen.
O público continúa respondendo moi positivamente ás propostas do Festival. Transcorridas 3 semanas desde o primeiro concerto da súa segunda edición, TerraCeo pendura xa o cartel de “aforo completo” en 14 dos 43 espectáculos que puxo á venda. E hai varios concertos máis a piques de completar aforo.
Esta semana esgotáronse as entradas para Pol Granch e Juancho Marqués. Tampouco quedan xa localidades para a actuación de Leo Harlem do venres 16 de xullo. O público do humorista, en todo caso, aínda ten opcións: quedan entradas dispoñibles para o seu espectáculo do xoves 15 de xullo.
Os concertos do próximos sábado e domingo poderían celebrarse, dada a predición meteorolóxica, no Auditorio interior. Do mesmo xeito que os pasados días venres e sábado, as normas actuais permiten desenvolver os concertos nese espazo co mesmo aforo que o que se aplica na terraza e con todas as medidas de seguridade.
