Ledicia Costas: "Paréceme incríble que tamén Esmeraldina estea traducida ao coreano"

Vigo

Dende Vigo para o mundo. O Universo Ledicia Costas segue a sua internacionalización conquerindo importantes mercados e con traducións a moitísimos idiomas. A Premio Nacional de Literatura que, como ela sempre salienta, escribre en Navia e en galego, observa con moitísima felicidade os éxitos que están logrando as súas obras. Este mércores, xusto o día antes da saída ao mercado de Os Minimortos 3, recibiu a comunicación de Xeráis que Esmeraldina tamén chegou para quedarse ao mercado coreano. Un mercado que xa coñecía a Escarlatina e que agora tamén permite que os nenos e as nenas coreanas saiban das andanzas de Esmeraldina. Xa van máis de 70.000 exemplares vendidos. Unha edición coreana moi coidada como salienta a escritora viguesa. Agora disfruta Ledicia Costas do lanzamento de Os Minimortos, Escola de salvaxes e agarda tamén a chegada das feiras do libro de Redondela, Vigo e Ponteareas onde estará firmando exemplares. Con Ledicia Costas falamos en Hoy por Hoy Vigo, en Acunhados.