O Concello de Lugo contra as adicións

Lugo

O Concello de Lugo quere atallar de raíz os problemas coas adiccións da xuventude lucense. O concelleiro de xuventude, Mauricio Repetto, explicou nos micrófonos de Radio Lugo SER, que co IV Plan de Drogodependencia pretenden "organizar todos os servizos asistenciais dos que dispón a Administración local no eido educativo, social, sanitario, formativo e informativo para tratar e, sobre todo, prever as adiccións".

Por primeira vez, este plan recolle a adicción ás redes sociais coma un problema a solventar. Repetto destaca o aumento da nomofobia entre a xuventude. Unha conducta todavia non considerada coma trastorno, pero que produce unha dependencia absoluta do teléfono que remata xerando serios problemas de autoestima e de relación social.

Ámbitos de actuación

Este Plan focalizará todos os seus esforzos en tres ámbitos de actuación: A escola, a famlia e a comunidade.

• O ámbito da escola. Traballarase formando ao alumnado na toma de decisións responsables, impulsando os centros educativos como espazos libres de drogas, presentando materiais e propostas educativas e orientando aos titores para saber actuar ante posibles situacións de consumo. Para o que se artellaron plans de acción conxunta co profesorado, se organizaron concursos educativos, creativos, que fomentaran valores e estilos de vida saudables nos que tamén se implicou ás nais e pais, con talleres de reflexión, outros monográficos sobre substancias así como a edición de folletos informativos e de material audiovisual para expoñer na aula.

• O ámbito da familia: Apostarase por sensibilizar e informar sobre pautas educativas en relación coas drogas e como intervir cando detecten algún consumo problemático, así como derivar situacións máis complexas e fomentar un ocio san familiar e marital. A este respecto se habilitaron espazos nos que se desenvolveron charlas, unha escola de nais e pais, se prestou atención individualizada e se procedeu á elaboración de publicacións e á organización de mesas redondas, xornadas e congresos chegando a realizarse, no seu momento, sesións conxuntas para clarificar e resolver problemas mediante técnicas cognitivas, sistémicas e condutuais nas que traballar as emocións, a motivación e as habilidades comunicativas entre proxenitores e fillos.

• O ámbito da Comunidade: As estratexias empregadas neste caso oriéntanse a minimizar os danos provocados na vía pública a causa da inxesta de alcohol, controlar as condicións dos locais nocturnos, concienciar sobre o risco que entraña o consumo de drogas e ofertar un ocio inclusivo, aumentando a programación de actividades no tempo libre para a rapazada de entre 12 e 17 anos e até os 35. Para levalas a cabo o Concello contou coa subvención do Plan Nacional sobre Drogas ao abeiro do que se puxeron en marcha, entre outras, as actividades do +Xti!