A II BTT Estacións Vivas reunirá en Baños de Molgas a 400 deportistas infantís
A proba celebrarase o próximo domingo día 8, coa disputa de ata 26 carreiras divididas en 13 categorías, tanto femininas como masculinas
Presentación no Pazo Provincial da II Mini BTT Estacíons Vivas, coa asistencia do vicepresidente da Deputación, Rosendo Fernández; o alcalde de Baños de Molgas, Xaime Iglesias; a xerente do Inorde, Emma González; o xefe de Deportes da Xunta en Ourense, Mn / Deputación Provincial de Ourense
Un total de 400 deportistas de entre 5 e 14 anos participarán o próximo domingo, día 8, na II Mini BTT ´´Estacións Vivas´´ que se celebrará en Baños de Molgas, coa disputa de ata 26 probas divididas en 13 categorías tanto femininas como masculinas.
Desde as dez da mañá, os participantes percorrerán os dous recorridos deseñados para as diferentes idades, dentro do circuíto permanente de BTT habilitado fronte á estacion do ferrocarril.
A segunda edición desta proba foi presentada no Pazo Provincial coa asistencia do vicepresidente da DEputación, Rosendo Fernández; o alcalde de Baños de Molgas, Xaime Iglesias; a xerente do Inorde, Emma González; o xefe de Deportes da Xunta en Ourense, Manuel Pérez; o presidente da Federación Galega de Ciclismo, Juan Carlos Muñiz; e o presidente da Fundación ADO Moure, Carlos Moure.
