Esta fin de semana chega á Coruña unha nova edición do Festival Internacional de Folclore

A Coruña

Esta fin de semana chega á Coruña unha nova edición do Festival Internacional de Folclore. O evento organizado pola Asociación de Coros e Danzas Eidos contará coa participación de agrupacións de diferentes procedencias, como Senegal e Portugal.

A cita permitirá aos cidadáns coñecer tradicións de países afastados e tamén doutras zonas da península ibérica. O ciclo comezará este venres ás dez da noite no Parque Europa co grupo folclórico portugués Lavradeiras de Meadela, a Asociación de Coros e Danzas Dona Pega rabilonga de Zamora, o Ballet Folclórico Jammu de Senegal e o colectivo anfitrión. Este festival multicultural terminará o domingo cunha posta en escena na que participarán todas as agrupacións ás oito da tarde.

Os cidadáns poderán acceder ao recinto de forma gratuíta e sen reservar invitación previamente. Así, as persoas interesadas poderán inscribirse in situ ou levar o formulario cuberto de casa que está na web do concello.