Carlos Blanco, Touriñán, Piedrahita e Lucía Veiga este venres en Nigrán

Vigo

O Concello de Nigrán ofrece este venres 27 de agosto desde as 22:00 horas no campo de fútbol de Lourido o espectáculo ‘Comicamente’ coa presenza dos monologuistas Carlos Blanco, Luis Piedrahita, Xosé A.Touriñán e Lucía Veiga como mestra de cerimonias, ademais de DJ Toccororo como encargada da música en directo. As derradeiras entradas están á venda a través de Ataquilla con prezos entre os 15 e 20 €.

“É un luxo para Nigrán acoller nun mesmo evento aos mellores monologuistas do país, o público pasará unha noite de risas aseguradas nunha contorna marabillosa como é esta de Lourido”, considera o alcalde, Juan González.