O polígono de SEA que máis crece en Galicia é o de Laracha

Coa última venda dunha parcela de, case, tres mil metros cadrados a Herminia Pan e Bollería, Suelo Empresarial del Atlántico ten xa vendidos ou adxudicados o 70% dos espazos destinados á proliferación industrial. Unha gran nova que, pese a pandemia, tivo o seu impulso máis forte neste ano 2021, no que SEA logrou vender case o 10% da superficie total do polígono.

Son cifras que deixan en moi bo lugar o traballo a prol deste parque empresarial, pois as vendas de suelo en A Laracha dende xaneiro ascenden a preto dos tres millóns e medio de euros, superando así as vendas de SEA en tódolos parques de Galicia nos exercicios de 2018 ou 2019. E vai ir a máis, pois Beatriz Sestayo asegurou hoxe no Vivindo que o acordo oficial para a ampliación do polígono debería ser unha realidade en 2022.

Un crecemento que é certo que se da nas zonas máis periféricas á cidade da Coruña polo incremento de empresas nesta, pero dende SEA aseguran que buscarán facer partícipes desta boa dinámica aos polígonos que xestionan en toda a bisbarra, como o de Vimianzo ou o de Cee.