Blanco: "En Trevinca a contaminación lumínica é case nula"
O director do Centro Astronómico de Trevinca, ´Óscar Blanco, destaca o valor do espazo recén inaugurado
Óscar Blanco, director do Centro Astronómico, amosa as instalacións a Feijóo / Xunta de Galicia
Ourense
Un dos lugares onde mellor se ven as estrelas, está na provincia de Ourense. “Na montaña máis alta de Galicia, Pena Trevinca, a contaminación lumínica é case nula. Algo cada vez máis difícil de atopar” segundo informa Óscar Blanco, o Director do Centro Astronómico de Trevinca
Por este motivo A Veiga ten certificado Strarlight dende o ano 2015 e, por iso, recibe multitude de visitas dende Valdeorras e doutros puntos de Galicia, principalmente das cidades. Porén tamén veñen visitantes dende El Bierzo e de Zamora, visitantes que chegan, sobre todo, en xullo e agosto. Non obstante, alén do frío, o inverno ten as súas vantaxes. Nestas datas abondan os ceos limpos, segundo explica Blanco.
Óscar Blanco procura ceos oscuros dende fai vinte anos, o que o levou a colaborar co Concello da Veiga realizando distintas actividades a través das que se foi forxando a idea de crear o Centro Astronómico de Trevinca.
Precisamente o Director do Centro Astronómico de Trevinca, amosaba esta fin de semana as súas instalacións, ubicadas no lugar de Valdín. Un Centro que, agardan, supón un atractivo máis xunto coa paisaxe e as rutas de montaña e, ademais, un punto de investigación en colaboración con outros observatorios do mundo.
