Garbiñe Apraiz: "Euskaldunak dira Euskaraldiaren gakoa, belarriprestak mugitu behar baditugu ahobiziak ere"
Bizkaiko Osasun Mentaleko Sareko prestakuntza, komunikazio eta euskara arduradunak eta Ramon Fullaondo, euskera teknikariak, Osakidetzako arlo honetan ariguneak nola sortu dituzten azaldu digute
Euskaraldia Bizkaiko Osasun Mentaleko Sarean
04:07
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1669208844993/" width="100%" height="360" frameborder="0" allowfullscreen></iframe>
Bilbao
Euskaraldiaren bosgarren eguna Osakidetzako Bizkaiko Osasun Mentaleko Sarean pasa dugu. Guztira 50 zentrok osatzen dute eta alde batetik, ospitale arreta eskaintzen dute Bermeoko, Zaldibarreko eta Zamudioko ospitaleetan, eta bestetik, arreta komunitarioa beste zentroetan. Hiru urte daramatzate Euskaraldian parte hartzen eta haien erronka urtero lankide gehiagoren parte hartzea lortzea da. Izan ere, pasadan urtean bost arigune sortu zituzten, aurten berriz hamaika. Guztira 51 lagun inguru hartzen dute parte, 36 "ahobizi" moduan eta 15 "belarriprest" moduan.
Bilboko bulegoetan kudeaketa administratiboaz arduratzen dira eta bertako ariguneen funtzionamendua ezagutzeko Garbiñe Apraiz, prestakuntza, komunikazio eta euskara arduradunarekin eta Ramon Fullaondo, euskera teknikariarekin, hitz egin dugu. Ariguneak sortzeko zailtasunak izan dituztela aitortu du Apraizek: "Euskaldunekin pedagogia egin behar izan dugu. Ez dute ikusten txapa eramatearen garrantzia egunero egiten baitute euskaraz baina haiek dira Euskaraldiaren gakoa, belarriprestak mugitu behar baditugu ahobiziak ere."
