O mugardés Carlos Neira, premiado no Concurso de Microrrelatos de RAG e PuntoGal
As historias gañadoras xa poden lerse nas páxinas dos organizadores
Los miembros del jurado posan con los premiados / Miguel Grandío
A Coruña
Nove persoas, tres adultos, tres novos e tres nenas, de todos os recunchos de Galicia foron recoñecidos este luns polos seus relatos. As historias gañadoras do V Concurso de microrrelatos da Real Academia Galega e PuntoGal xa poden lerse en academia.gal e relatos.gal.
Os presidentes de ambas as institucións, Víctor Fernández Freixanes e Manuel González González, entregaron os recoñecementos tras formar parte dos xurados que avaliaron as máis de 900 historias de ata 200 palabras presentadas por persoas de todas as idades.
Antonio Cepeda Fandiño (Santiago de Compostela), Carlos Neira Suárez (Mugardos) e Anabel Rodríguez Vázquez (Castro Caldelas) gañaron na modalidade de persoas adultas.
A categoría xuvenil tivo premios para Antía Novas Arribas (Bueu), Lucas González Pérez (Ourense) e Carlota Alcalde Lorenzo (Noia) mentres que na infantil os recoñecementos foron para Elena Pastoriza Cortizo (Bueu), Mariña Cabrera Vives (Castrelo de Miño) e Ximena Landeira Lista (Santiago de Compostela).
