Ferido grave un home que sufriu un corte cunha motoserra na súa casa en Dumbría

Dumbría

Un home precisou traslado a un centro hospitalario ao resultar ferido grave cun corte cunha motoserra na súa vivenda de Dumbría.

Segundo informa o 112 Galicia, tivo constancia dos feitos sobre as 16,30 horas a través de Urxencias Sanitarias-061, que movilizaba un helicóptero medicalizado con base en Santiago para un domicilio no lugar de Vilar, en Olveiroa.

Tras recibir a chamada, o 112 puxo os feitos en coñecemento da Garda Civil, dos bombeiros de Cee e de Protección Civil de Dumbría.

Finalmente, tras as primeiras valoracións ao paciente efectuadas polos profesionais, o home foi trasladado a un centro hospitalario.