O TSXG paraliza preventivamente outro parque eólico de Greenalia, proxectado nos municipios de Coristanco e Carballo

A Coruña

O Tribunal Superior de Xustiza de Galicia (TSXG) decretou a paralización cautelar da construción doutro parque eólico da compañía Greenalia, neste caso, proxectado en 'Bustelo', entre os municipios coruñeses de Coristanco e Carballo.

A sección terceira da Sala do Contecioso-Administrativo do Alto Tribunal galego reitera os argumentos esgrimidos na resolución pola que ordenou a mediados de setembro a suspensión cautelar do parque 'Campelo', promovido pola mesma compañía enerxética nos concellos coruñeses de Santa Comba e Coristanco.

A sala estima inicialmente o recurso dos colectivos Adega e a Plataforma en Defensa da Cordilleira Cantábrica, que levaron aos tribunais a autorización da Xunta aos parques 'Campelo', 'Bustelo' e 'Monte Toural' --todos de Greenalia-- ao entender que se trata de proxectos que fragmentan de forma "artificial" una mesma iniciativa co obxectivo de facilitar a súa tramitación administrativa.

Na súa resolución, emitida o pasado 6 de outubro, os maxistrados fan referencia ao principio de igualdade na aplicación da lei e de seguridade xurídica, polo que actúan da mesma forma que no recurso presentado contra o parque 'Campelo'.

Os argumentos esgrimidos pola sala son, por tanto, os mesmos que os usados no fallo do 19 de setembro esa iniciativa eólica, na que determinou que nin Greenalia nin Xunta lograron avalar a "imperiosa necesidade" de contar cun novo parque eólico na zona "nin sequera pola incidencia que vén producindo a menor entrada de gas con ocasión da guerra en Ucraína".

Únete al canal de WhatsApp de la SER

Os maxistrados entenden que a suspensión cautelar fai prevalecer a protección do medio ambiente ata que exista unha sentenza en firme sobre o recurso presentado polos colectivos ecoloxistas, aos que a sala obriga a abonar un depósito dunha garantía de 10.000 euros nos próximos días para facer efectiva a medida.

O tribunal xustifica esta decisión como vía para "responder dos prexuízos de calquera natureza que pudisesen derivarse da medida cautelar", polo que Adega e a Plataforma en Defensa da Cordilleira Cantábrica deberán reunir 20.000 euros para que as suspensións destes dous parques leven a cabo.

Neste sentido, avanzaron a posta en marcha dunha campaña de recadación colectiva para lograr o diñeiro das caucións impostas.