Nigrán recupera o seu certame de rondallas con máis de 300 participantes
Todas as formacións da comarca reuniranse mañá na Alameda de San Campio de A Ramallosa
O Concello de Nigrán e o C.C.R. Parada do Miñor ofrecen mañá, domingo 18 de decembro, desde as 10:30 horas na Alameda de San Campio de A Ramallosa o III Certame de Rondallas do Val Miñor. Participan todas as formacións da comarca (Santiago de Parada, Centro Cultural A Merced de Chaín, a Asociación de Veciños Galiñeiro Vincios) e asiste como invitada a Rondalla do Centro Cultural e Veciñal de Valadares. En total, máis de 300 rondallistas darán cor á alameda neste multitudinario certame que se recupera tras a crise da Covid-19.
“Desde o Concello de Nigrán e a Rondalla de Parada queremos seguir apostando e promovendo este Certame que representa a vitalidade desta cultura tradicional tan arragaida no Val Miñor. Nesta edición convidamos a Valadades por tratarse dunha agrupación moi cercana e querida na comarca, asi que será un evento multitudinario en público e rondallistas”, explica o alcalde de Nigrán, Juan González.
Pola súa banda, o tradicional pasarrúas da Rondalla de Santiago de Parada na mañá do día 24 por Nigrán posponse ata o día 30 ante a previsión de choiva.
