La Ventana MetropolitanaLa Ventana Metropolitana
Sociedad
Curtas

O Concello de Nigrán crea con Teatro do Ar e Somos Terra un certame de curtas sobre a natureza chamado "Ollo con Nigrán"

A peza audiovisual, de menos de dous minutos, terá que mostrar a natureza da vila e contar un microrrelato, poema ou conto

Nigrán ten unha natureza única, que inspira.

Con esta idea, o Concello de Nigrán, Teatro do Ar e a cooperativa ‘Somos Terra’ únense para lanzar o certame “Ollo con Nigrán”, un concurso vídeo-literario que nace para potenciar a creación artística en lingua galega ao tempo que divulga a gran riqueza medioambiental do municipio. Esta nova iniciativa, co prazo de participación aberto ata o 5 de marzo, é só un avance da programación municipal do mes de marzo, adicada a unir cultura e natureza. Paralelamente, o certame ten o obxectivo de visibilizar e potenciar o comercio local, por iso os premios serán 1.000 euros en vales para consumir nos establecementos do municipio que se desexen sumar a través dun formulario web do concello.

O certame constará de tres categorías: Estelas, para nenos e nenas de Nigrán nada no ano 2011 ou posteriores; Lourido, mozos e mozas de Nigrán nadas entre o ano 2005 e 2010; e Monteferro, para persoas nadas antes do ano 2005. Ademais, o colexio que conte con máis alumnado participante tamén recibirá 200 euros para mercar no comercio local. A data límite para participar é o 5 de marzo ás 00.00 horas e as persoas poderán presentar os seus traballos a través dun formulario online acompañado dunha PLICA cos datos do autor ou autora e o texto orixinal que se utiliza no vídeo.

“O certame ‘Ollo con Nigrán’ nos permitirá coñecer as miradas que os veciños e veciñas teñen do noso municipio, descubrir xoias ocultas, aprender en conxunto que a nosa natureza é a nosa maior riqueza e, sobre todo, subliñar a importancia do noso lema de crecemento: Equilibrio Natural”, explica o alcalde, Juan González, quen engade tamén “a oportunidade que supón para descubrir novos talentos”.

 
  • Cadena SER

  •  
Programación
Cadena SER

Hoy por Hoy

Àngels Barceló

Comparte

Compartir desde el minuto: 00:00