Luca Chao: "Hai que coñecer conceptos básicos do feminismo para ir máis aló"

¿Cantos feminismos hai? ¿Que significan onvre, fifa ou pitopodre, termos utilizados nas redes sociais? A estas preguntas trata de dar resposta Feminismo en cen palabras, un libro que asina a exdeputada de En Marea, Luca Chao, e que edita Galaxia na súa colección Feminismos.

Para Luca Chao o libro é introductorio, "o que me gustaría é que sexa unha porta de entrada para quen non ten nin idea de que é isto do feminismo e que o vexa doado e diga, vou achegarme"; entende tamén que "hai que coñecer conceptos básicos do feminismo para ir máis aló".

O traballo non elude os debates actuais no feminismo como a división en torno ás persoas trans ou a regulación da prostitución. Segundo a autora, "quen decide escribir un libro coma este, faino dende o convencemento feminista e de que nomearnos, moito máis na nosa lingua, é o primeiro paso para pensarnos, para recoñecernos e para existir".