Benteler opta a construir un centro teconolóxico

Vigo

Benteler tentará construir en Vigo un centro tecnolóixo . Así o dixo Ricardo García, vicepresidente executivo no Sur de Europa, durante unha visita a factoría de Valadares do vicepresidente primeiro e conselleiro de Economía, Industria e Innovación, Francisco Conde, que salientou a colaboración que a Xunta de Galicia está prestando a Benteler para facer das dúas súas dúas plantas en Galicia -en Vigo e Mos- o centro de operacións para todo o grupo no desenvolvemento da fábrica intelixente.

Durante unha visita ás instalacións da factoría de Valadares, en Vigo, Conde remarcou o esforzo tecnolóxico e en I+D+i que Benteler está facendo desde Galicia. Un esforzo, dixo, que comporta 7,5M€ de investimento aos que a Administración autonómica leva achegado 2,3M€ a través do programa Fábrica Intelixente, que terá unha nova convocatoria este mesmo ano dotada -a través da Axencia Galega de Innovación- cun orzamento de 24M€.

Este programa de axudas apoiou xa 24 proxectos de 68 empresas e centros de investigación cunha mobilización de 275M€. O 69 por cento dos investimentos corresponden a oito iniciativas do sector da automoción, que acaparan máis da metade, o 62 por cento, do total das axudas, 47,3M€. Empresas como Benteler -que xera 725 postos de traballo en Galicia-, Stellantis, Copo, Borgwarner, Akwel Vigo ou GKN. Conde explicou que co apoio destas axudas, Benteler desenvolveu un proxecto que permite a interoperabilidade entre as diferentes fábricas cun sistema totalmente integrado e monitorizado de produción.