O Sarela, 10 kilómetros que dan para moito
"Sarela, paisaxe cultural", un libro de José Manuel Ortigueira, percorre o río "por excelencia de Santiago"
¿Paseamos polo Sarela? Unha nova publicación axúdanos a coñecer mellor "o río de Santiago"
El código iframe se ha copiado en el portapapeles
Santiago de Compostela
O río Sarela nace en Fontecova, na parte norte do Pedroso, preto de Pardaces e desemboca no río Sar en Vidán. A pesar deses escasos 10 kilómetros de percorrido, segundo o autor de "Sarela, paisaxe cultural", é o río "por excelencia de Santiago" porque estivo sempre moi pegado á vida das veciñas e veciños de cidade; "é o río do arcebispo, o río dos sapos, o río de San Lourenzo" e acolleu 15 fábricas de curtidos nun momento no que a industria do coiro era moi importante.
O libro pon o acento no Sarela dende moitos puntos de vista. Lembra o seu patrimonio histórico, por exemplo, os petróglifos, muíños, pontes como a dos Tres Ollos ou a da Burata, e tamén 17 fontes e ata 50 muíños.
O volume, editado por Alvarellos e o Consorcio de Santiago, contén 100 imaxes e ilustracións actuais e históricas e inclúe un mapa no que se ubican os máis de 120 elementos citados.
