Nigrán ofrece cinco contacontos para a infancia na Biblioteca Municipal

O Concello de Nigrán ofrece desde este luns ao mes de outubro cinco contacontos infantís na Biblioteca Municipal encadrados no programa de animación á lectura "Ler Conta Moito":

O primeiro deles, "Chimpo de ra", a cargo de Raquel Queizás, será este luns 24 de abril ás 18h00 e está dirixido a crianzas de 0 a 3 anos.

O seguinte contacontos, "A maleta da avoa", é o sábado 20 de maio ás 12h00 e tamén a cargo de Raquel Queizás pero dirixido a crianzas a partir de 3 anos.

O venres 22 de setembro será a quenda de "Os contos da leiteira", de OQO.

O sábado 7 de outubro ás 12h00 "Contamos en Igualdade" de Eduvía. Dirixido a crianzas de 3 a 16 anos divididos en idades homoxéneas.

Raquel Queizás regresa para por o punto final ao programa con "Na túa man", dirixido a crianzas a partir de 5 anos, o martes 24 de outubro ás 18h00.