Continúa baixando o paro na bisbarra
Rexístranse case 500 parados menos respecto a 2022
Oficina de empleo
Costa da Morte
O mes de maio deixou bos rexistros nas cifras desemprego. A tendencia á baixa dos últimos meses continuou durante o pasado mes no que 199 persoas abandoaron as listaxes do paro. Se se compara respecto a hai un ano, son 462 desempregados menos os que hai nas oficinas de colocación.
Por territorios, a comarca de Bergantiñlos sitúase á cabeza desa baixada, cun descenso de 98 parados. Carballo liderou esa tendencia con 60 dsempregados menos, seguido de Cabana con 15 e Ponteceso con 14. En Coristanco e Laxe tamén baixou o paro con 7 e 6 parados menos, mentres que se experimentou un lixeiro aumento en Malpica e A Laracha con 3 e 1 respecctivamente.
Nas terras de Soneira a baixada acadou os 42 desempregados menos, con baixadas en Vimianzo (-18), Camariñas (-17) e Zas (-7).
Na zona de Fisterra afondaron nesa tendencia á baixa, con descensos na vila do Cristo (-14), Cee (-13), Corcubión e Dumbría (-8) e únicamente subiu en Muxía nunha persoa.
En Mazaricos e Carnota os datos tamén foron positivos con descensos de 8 e 11 desempregados respectivamente.
