A Radio Conta cumpre 10 anos solidarios cunha gala o 14 de decembro
Este ano estará dedicada a ADACECO. Touriñán, Sés, Jorge e Pepe Coira, Borja Quiza e Mabel Rivera participarán, entre outros, nesta cita da radio local en Nadal
Moncho Viña nos habla sobre la 10º edición de A Radio Conta
08:39
Compartir
El código iframe se ha copiado en el portapapeles
<iframe src="https://cadenaser.com/embed/audio/460/1669803805713/" width="100%" height="360" frameborder="0" allowfullscreen></iframe>
A Coruña
A Radio Conta cumpre 10 anos. A Gala baixo o lema nesta edición de "Estamos de dez" será gravada o 14 de decembro no Teatro Rosalía, de 5 a 8 da tarde, con público e entrada gratuíta. Será emitida ao mesmo tempo en todos os diales o sábado 24 de decembro, tamén de 5 a 8. Este ano estará dedicada a ADACECO, a Asociación de Dano Cerebral Adquirido. Entre os artistas invitados, Jorge e Pepe Coira con Mabel Rivera, Sés, Borja Quiza, Ortiga e Abraham Cupeiro. Moncho Viña, un dos portavoces da Radio Conta.
Os xornalistas Luís Pousa e José Manuel Gutiérrez e o humor de Xosé Antonio Touriñán xunto ao radioteatro que guionizará Óscar Cruz completarán un programa no que tamén se repasarán os mellores momentos das nove edicións anteriores desta iniciativa radiofónica e solidaria. Non é necesario ter invitación, o acceso ao Teatro o día 14 é libre. A Radio Conta é unha iniciativa que naceu coa suma de profesionais de todas as emisoras de radio, públicas e privadas, da cidade da Coruña.
O evento difundirase desde as 17:00 horas do 24 de decembro nas emisións locais de Radio Galega, Radio Nacional de España, RadioVoz, Radio Intercoruña, Radio Coruña Cadea SER, Onda Cero, Radio Marca e COPE.
A Radio Galega achegará a cobertura técnica para unha proposta que os seus organizadores conciben como "unha acción coral que ten dous obxectivos, a solidariedade e a homenaxe á radio máis próxima", valoraron este mércores nun comunicado.
A emisión pretende "dar visibilidade" a Adaceco, "referencia na comarca da Coruña en atención ao dano cerebral adquirido" e que dá "servizo a máis de 150 persoas e ás súas familias grazas a profesionais con formación nas últimas tendencias en tratamentos".
