As sirenas soaron nos encoros na bisbarra

Costa da Morte

As sirenas soaron esta mañán nos concellos de Dumbría e Mazaricos. Os encoros da Fervenza e de Santa Uxía fixeron soar as súas sirenas dentro dunha serie de simulacros que a Xunta está a levar a cabo nos encoros galegos. Trátase de familiarizar á poboación con eses sinais sonoros e de informar á poboación das medidas a adoptar no caso de que a emerxencia fose real.

O primeiro ensaio tivo lugar na Fervenza, ao redor das dez da mañán e o segundo en Santa Uxía ás 11:30. A proba serviu tamén para coñecer o alcance dese sinal sonoro que se activaría en caso de rotura da presa ou de desbordamento.