A praia de Quenxe volve a ser apta para o baño

Corcubión

As análisis efectuadas pola Xunta de Galicia no día de hoxe confirman que a bacteria detectada onte no areal corcubionés esta dentro dos parámetros e, polo tanto, decaen as restricións ao baño que foron impostas onte. Dende esta mesma tarde non hai ningunha limitación ao baño na praia de Quenxe. Durante o verán seguirán a fcer as análisis pertinentes ao igual que no resto de praias da costa galega.

Esta mañán, o concelleiro Francisco Santiago afirmaba descoñecer cal podía ser a orixe deste valores anómalos nas augas de Quenxe. O edil afirmaba ter revisado a rede de saneamento "hai dous días" en compañía dos responsables da empresa Augas de Corcubión-Cee sen ter detectado ningunha anomalía. "É difícil coñecer a causa. Pode ser un sentinazo, un verquido de calquera poboación (debido as correntes), moitas cousas..." manifestaba Francisco Santiago.