Socialistas da Costa da Morte asinan un manifesto de apoio a Pedro Sánchez
Amosan o compromiso cun goberno progresista a unha semana das eleccións
Socialistas históricos amosan o seu apoio a Pedro Sánchez / Andreu Dalmau (EFE)
Costa da Morte
Militantes históricos do PSOE da provincia veñen de facer público un manifesto de apoio a Pedro Sánchez. Na relación de asinantes figuran militantes que tiveron responsablibilades de goberno a nivel local, provincial e autonómico.
O documento está encabeza por dous expresidentes da Xunta, Fernando González Laxe e Emilio Pérez Touriño. Xunto eles figuran, entre outros, Manuel Valeriano Alonso, Manuel Lamela e José Manuel Pequeño, exalcaldes de Camariñas, Cee e Dumbría respectivamente. Tamén figura entre os asinantes Marisol Soneira, ex deputada e ex vicepresidenta do Parlamento de Galicia. No manifesto afirman sentirse representados polo presidente do Goberno, Pedro Sánchez, ao que apoian "sen reservas" para as eleccións do vindeiro domingo.
O obxectivo deste movemento é desmentir a idea deslizada dende o entrono do PP de que o socialismo "histórico" está afastado do ideario do actual presidente do Goberno. Ao tempo abren a posibilidade de ampliar a relación de asinantes a outros militantes e agrupacións de Galicia. Así mesmo consideran que a idea de Feijoo de "derrotar o sanchismo" só agocha a intención real que non é outra que "derogar a suba das pensións, a do salario mínimo, a reforma laboral, a baixada de dos prezos da enerxía e a maior cfreación de emprego da historia deste país".
