A Deputación achega o coidado do mar aos escolares da bisbarra

Costa da Morte

A Deputación da Coruña presentou hoxe o programa "Defende o mar a través do surfing", un proyecto que pretende concienciar ao escolares da importancia de coidar o medio mariño. As actividades terán lugar en areais dos concellos de A Laracha, Carballo, Coristanco, Malpica, Ponteceso, Vimianzo, Zas e Camariñas.

No acto de presentación deste programa, a deputada responsable de Medio Ambiente, Emprego e Política Demográfica Rosa Ana García López, destacou "a importancia que os pequenos xestos individuais teñen para preservar un recurso tan valioso na nosa provincia como o medio mariño". O responsable do proxecto, David Blanco, puxo en valor a importancia de concienciar aos escolares de manter o patrimonio natural.

As actividades do programa inclúen a limpeza de 50 praias en xornadas nas que os escolares traballan conceptos coma a enerxía das ondas, os seres vivos destes hábitats e os perigos que ameazan o ecosistema do litoral. Entre outras accións tamén esta previsto un obradoiro sobre o impacto que teñen os protectores solares no ecosistema mariño