Unha chea de actividades para poñerse en forma en Ribadavia
Accións para adultos, servizo de adestrador persoal, o cursos para nenos entre o máis destacado
Cartaz das actividades deportivas de Ribadavia / red
Ribadavia
Acaba de dar comenzo o programa de actividades físico-deportivas para o curso 23/24, promovido polo Consello Municipal de Deportes. De luns a sábado, en horario de mañás e serán, ofértanse distintas actividades dirixidas por técnicos especialistas.
Haberá actividades para adultos, de feito continúa a oferta do curso pasado con vinte horas semanais de actividades dirixidas. Ademáis destaca a ampla oferta infantil: Asemade da oferta de Escolas Deportivas, iniciación e perfeccionamento, promovidas polos clubes, orientadas ao deporte de competición, neste curso ofertarase a actividade de baile moderno como actividade de carácter non competitivo.
Continúa o servizo de adestrador persoal con reserva previa. O requisto é estar dado de alta como abonado ao servizo municipal de deportes.
En coordinación co Dpto. de E.F. do CEIP Ribadavia e da Fundación Deporte Galego dende o mes de outubro botarán a andar os proxectos presentados dentro do Plan Ribadavia Activa como son o proxecto Dafis, o de recreos activos, o de mellora da condición física para a saúde e o de dinamización da vida activa e deportiva.
A ligazón do programa es: https://deportesribadavia.es/.../ACTIVIDADES-2023-2024-C.pdf.
