Calcinadas dúas escavadoras en Baíñas (Vimianzo)
Unha terceira foi afectada polas lapas parcialmente. As primeiras investigacións apuntan a lumes intencionados
Imaxe cedida polos Bombeiros da Costa da Morte na que se aprecia o lume nunha das máquinas
Vimianzo
Dúas grandes escavadoras resultaron incendiadas esta pasada noite en Baíñas. Unha terceira tamén estivo a piques de ser devorada polas lapas e acabou afectada parcialmente. A maquinaria, pertencente a unha empresa de Touro, resultou calcinada no que semella foron sendos lumes intencionados. A Garda Civil xa se fixo cargo da investigacións para esclarecer os feitos.
A maquinaria estaba a ser utlilizada nas obras da estrada que comunica Caxadas e Baíñas. Logo dunha chamada de aviso ao redor das cinco da madrugada foron mobiliados os Bombeiros do Parque da Costa da Morte. Unha vez no lugar dos feitos comprobaron que non só ardía unha escavadora, senon que a uns metros tamén era pasto das lapas outra máquina similar. O traballo dos bombeiros conseguiu controlar ambos lumes e agora é a Garda Civil quen inicia a investigación para dar cos responsables do atentado.
