Deportes urbanos
A Xunta promove o festival de cultura urbana "Demostra", no Concello de Mos, o vindeiro sábado 7 de outubro
Grafitti, skate, BMX e exhibicións de máis deportes urbanos se darán cita neste encontro
A directora xeral de Xuventude, Participación e Voluntariado, Cristina Pichel, participou este luns pola mañá na presentación do festival de cultura urbana Demostra, que terá lugar este sábado 7 en Mos. Esta iniciativa reunirá a amantes desta disciplina no Skatepark de Pereiras.
Cristina Pichel puxo en valor a posta en marcha de iniciativas que atendan ás preferencias e intereses da xuventude. Ao longo de todo o sábado 7 de outubro, realizaranse no concello pontevedrés exhibicións de grafitti, skate, BMX ou scooter, entre outras actividades.
