O PSOE denuncia o pago con cartos públicos da xestión da páxina de Facebook do alcalde na que publica actos de partido

Costa da Morte

Os socialistas de Malpica fixeron públicas as cantidades que o concello paga pola comunicación institucional. Segundo publica o PSOE hai dúas empresas contratadas para a comunicación da actividade municipal, unha delas lévase uns 1100€ mesuais por enviar notas de prensa aos medios e xestionar as redes sociais do concello. A outra encárgase de programar as pantallas led e de xestionar a páxina de Facebook da alcaldía, unha páxina onde pode seguirse a actividade de Eduardo Parga, por esa actividade o concello paga uns 726€ mesuais. Segundo o voceiro socialista Walter Pardo, as publicacións son escasas saíndo a máis de 100€ cada unha. A indignación nas filas socialistas é máxima logo de comprobar que a páxina desta coñecida rede social utilizouse en varias ocasión para publicar contido relacionado co Partido Popular durante a campaña publicando mitins e actos de partido.

O Alcalde Eduardo Parga recoñece o pago a unha empresa pola xestión do facebook da alcaldía e as pantallas led municipais. Nega que se utilizce esa conta na rede social para facer publicidade ao Partido Popular, pero recoñece, iso si, que se compartiron 4 publicacións de actos do partido durante a campaña, pero asegura que se tratou dun erro puntual e que esas publicacións terían que terse feito na outra páxina persoal que ten en Facebook e non na da alcaldía.