Aparecen decenas de pombas mortas nas rúas de Carballo
Dende o concello recordan que non se debe dar de comer ás pombas pola saúde das aves e a salubridade das rúas
Costa da Morte
En distintos puntos de Carballo apareceron nos últimos días unhas 40 pombas mortas, probablemente pola inxesta dalgún alimento inaxeitados para os seu organismo.
Dende o concello investígase a causa, dende a posibilidade de que se trate dun suceso fortuíto como que sexa unha acción intencionada.
Lembran dende o goberno local que non debe alimentarse ás pombas, tanto pola salubridade das rúas como pola propia saúde das aves. A alimentación natural das pombas consiste en grans e sementes, outro tipo de alimento podería se prexudicial para a súa saúde, darlles de comer supón romper o seu equilibrio natural e como consecuencia aparecen as molestias e insalubridades por acumulación de excrementos, plumas, ruídos, etc.
Inciden tamén dende o concello en que as pombas poden ser vectores de microorganismos e parasitos transmisores de enfermidade, especialmente en situacións onde se producen contactos estreitos coas mesmas.
