Xabier Domínguez: “Este mes lanzamos o primeiro libro de poesía dirixido á infancia”
Os autores e mestres Xabier Domínguez, Alba de Evan e Miguel Alonso crearon Antela Editorial
El código iframe se ha copiado en el portapapeles
Entrevista con Xabier Domínguez de Antela editorial
Ourense
Antela Editorial naceu da man de tres autores, que tamén son mestres, e querían dar oportunidades a “proxectos que era unha mágoa que non saíran adiante”. Así, no 2020 decidiron dar un paso adiante e montar esta pequena editorial na Limia.
Con perspectiva educativa, ofrecen distintas opcións literarias na súa web que pasan por ofertas para primeiros lectores, novelas e banda deseñada infantoxuvenil, explica Domínguez. Ademais, apostan fundamentalmente por propostas en galego. A compra de moitas desas obras teñen, ademais, unha pegada solidaria.
Entre as novidades, “este mes lanzamos o primeiro libro de poesía”. Un proxecto que os mantén ilusionados, ao igual que o feito de que dous títulos de banda deseñada van ser traducidos a outras linguas. Nesta liña, fai tres días, presentaban o traballo que están a desenvolver dende Antela Editorial, situada en Vilar de Barrio.
